TRUMP NA MAREKANI VS NICOLAS MADURO NA VENEZUELA, JE, VITA IKO KARIBU?

-
Rais wa Venezuela Nicholas Maduro. Picha na Reuters 

Kumekuwapo na sintofahamu kubwa juu ya kile kinachoendelea kati ya Marekani na Venezuela kufuatia matendo hatarishi ya pande zote mbili. Awali Marekani ilitangaza dau nono la dola milioni 50 ambazo ni sawa na karibu sawa na shilingi 12, 529, 390, 000/= kama zawadi kwa mtu yeyote anatakaye wezesha kupatikana na kukamatwa kwa Rais wa Venezuela ambae anatuhumiwa kwa ulanguzi wa madawa ya kuelevya. Lakini hilo limechukua sura mpya baada ya Marekani kutuma meli za kivita pamoja na nyambizi karibu na Venezuela kitu ambacho kimemlazimu Rais Maduro kuanza kukusanya wanajeshi wakijiandaa kwa makabiliano ikiwa Marekani itawavamia. 

Katika kile kinachoonekana kama ni ujumbe wa rais Maduro kwa Marekani alionekana kukerwa na taarifa za uwepo wa meli kadhaa za kivita katika pwani ya Karibeani kusini karibu na nchi yake na alisikika akisema ikiwa Marekani itafanya uvamizi nchini Venezuela basi wajue hawatashinda. Hawajahi kushinda na hawatokuja kushinda kamwe na kiwataka wafuasi wake kupambana dhidi ya uvamizi wa kigeni. Licha ya kwamba ni kawaida kwa jeshi la Wanamaji wa Marekani kufanya doria katika eneo la Karibeani kusini, hii ya sasa imepitiliza kile ambacho hua kinafahamika kwamba kipo. 

Kuna taarifa kua Rais Donald Trump ameagiza kupelekwa kwa meli za kivita zaidi ya saba na nyambizi moja ya mashambulizi inayoendeshwa kwa nguvu ya nyuklia. Hili limekua sio kawaida sana. Ijapokua Trump amekua akikabiliana vikali na magenge ya walanguzi wa dawa za kulevya katika eneo la Amerika ya Kati lakini hatua hizi zinaonekana kua za juu zaidi. Kulingana na taarifa mbalimbali zilizopo ni kua miongoni mwa meli zilizoko au zinazoelekea karibu na Venezuela ni pamoja na USS San Antonio, USS Iwo Jima na USS Fort Lauderdale zikiwa na jumla ya wahudumu 4500 ambapo 2,200 kati yao wakiwa ni wanajeshi wa jeshi la Marekani. 

Kufuatia hatua hiyo Rais wa Venezuela Nicholas Maduro ameilaumu Marekani kwa kufuata kile alichokiita diplomasia ya vitisho iliyokuepo miaka 100 iliyopita. Na akatangaza kuandikiaha wanajeshi au wanamgambo wapya na kufanya mazoezi kila siku ya Ijumaa na Jumamosi. Hatua kama hizi zinaweza kuchochea zaidi mvutano na baadaye kuingia katika vita. Ikumbukwe kwamba Rais Nicholas Maduro anaitazama Marekani kama adui na amekua akiishutumu Washington kutumia vikosi vya CIA kushirikiana na wanasiasa wa upunzina wa Venezuela kuhakikisha anatoka madarakani. Wakati huo huo Marekani inamchukulia Maduro kama kiongozi wa genge kubwa la kilalifu na ulanguzi wa madawa ya kulevya na sio kiongozi halali wa Venezuela. 

Katika mitazamo hiyo kunaweza kuibuka kisingizio cha vita. Wizara ya ulinzi ya Marekani mpka naandika katika blog hii ilikua bado haijatoa taarifa rasmi ya kile kinachoendelea Karibeani ya Kusini huku ikulu ya Marekani ikisema kua Rais Trump alikua tayari kutumia mbinu au njia yeyote yote kupambana na ulanguzi wa madawa ya kulevya na uhamiaji haramu. Ni nini kitajiri kati ya Marekani na Venezuela ni swala la kusubiri na kuona. 

Comments

Post a Comment

Popular posts from this blog

HII NDIO HATARI KAMILI KATIKA VITA HUKO UKRAINE. VITA YA TATU YA DUNIA AU VITA VYA NYUKLIA

-
Image
Picha ya pamoja ya viongozi wa Ulaya na Rais wa Marekani ikulu ya Marekani tarehe 18 Agosti 2025. Picha na AFP  February 2022 Urusi iliivamia Ukraine kijeshi katika kile ambacho Moscow walikiita kama Operesheni Maalumu  (Special Operation). Na tangu wakati huo vita hio imeendelea na dalili za kukoma kwake bado zinaonekana ziko mbali kulingana na matokeo ya jitihada mbalimbali za kukomesha vita hivyo. Lakini kwa sasa vita vimeingia katika hatua muhimu na huenda ni hatua mbaya sana ambayo kosa kidogo la kimahesabu limaweza kuigharimu dunia kama ilivyokua Julai 1918 au Septemba 1939 ambapo vita vya kwanza na pili vilianza mtawalia. Kwa sasa vita vya Ukraine vina sura ya tofauti ambayo inahatarisha usalama wa dunia. Na haya ndio mambo ya hatari zaidi ambayo yanaweza kushindwa kuzuilika na kuleta vita ya tatu ya dunia.
Read more

TOP 10 YA SIMU ZENYE KAMERA BORA ZAIDI DUNIANI MPAKA SASA

-
Image
Picha za smartphone mbalimbali Miongoni mwa masoko magumu kwa sasa ni pamoja na soko la simu janja au rununu (smartphones) ambapo kila kampuni ya utengenezaji wa siku inajitajidi kutoa simu zenye ubora wa hali ya juu. Lakini sio rahisi kama unavofikiria ikiwa utaulizwa ipi ni simu bora kwa sasa sokoni. Kwa sababu simu moja kutoka kampuni flani inaweza kua bora kwenye eneo moja au mawili hivi lakini ikashindwa kua bora katika maeneo mengine. Lakini kati ya vitu virahisi na hua ni kigezo cha watu kununua simu hua ni kamera. Hii hapa ni orodha ya simu 10 zenye kamera bora sana mpaka sasa. 
Read more

AFRIKA NI KUBWA KIASI GANI? KWANINI SASA WAAFRIKA WANADAI RAMANI HALISI?

-
Image
AFRIKA NI KUBWA KIASI GANI? HATIMAYE AFRIKA IMEANZA KUZINDUKA. Ramani ya dunia  Tulipokua shuleni tulijifunza mengi juu ya Afrika lakini mengi ilikua ni upotoshaji wa kukusudia au kutokukusudia. Hilo linajidhihirisha pale unapotazama ramani ya dunia. Utaambiwa Afrika ni bara la pili kwa ukubwa duniani nyuma ya Asia lakini ukitazama ramani utagundua Amerika ya Kaskazini inaonekana kuwa ni kubwa kuliko Afrika. Lakini je Afrika ina ukubwa gani? Na kwanini sasa Umoja wa Afrika unahitaji taasisi kuu ulimwenguni kote kutumia ramani mpya ya Afrika kulikoni?  Tunarejea takribani miaka 456 hivi nyuma kuanzia sasa. Tunakutana na mwaka 1569, na hapo tunakuja kukutana na mtu mmoja aliyepata kua ni mwanajiografia na mchora ramani kutoka Flanders (Kijiografia eneo hili liko Ubelgiji na kijamii na kiutamaduni limekaliwa na watu asili ya Wadachi). Mtu huyu alitwa Gerardus Mercator ambaye ndiye aliyechora ramani hii ya dunia ambayo katika karne ya 18 ilirasmishwa kutumika katika maswala ya usa...
Read more