OPEN AI YAMKAANGA ELON MUSK NA MARK ZUCKERBERG HUKO MAHAKAMANI

-


Sam Altiman muanzilishi na mkurugenzi mkuu wa Open AI. Picha na AFP na Getty Images 

Kwa mujibu wa taarifa mbalimbali nchini Marekani zinaonesha kua kampuni ya Open AI ambayo inamilki ChatGPT imetoa maelezo mahakamani kua tajiri namba moja duniani Elon Musk alijaribu kumshawishi hasimu wake kibiashara Mark Zuckerberg ambae ni mmiliki wa kampuni kubwa ya Meta (Facebook, Instagram, WhatsApp na Thread) ili wachanhiane au waingie ubia katika uwekezaji wa kuinunua Open AI ambapo Elon Musk aliweka dau la dola za kimarekani bilioni 97.4, hata hivyo kulinga na Open AI Zuckerberg hakua ameafiki hilo. 

Open AI walimshitaki Elon Musk kua kupitia vyombo vya habari, mitandao ya kijamii na kupitia kutangaza zabuni ya kununua Open AI au bidhaa zake kulilenga kuiua kampuni hiyo ndogo iliyojikita katika kuendeleza Akili Unde (AI). Open AI ilimuomba Jaji wa Serikali Kuu kuiamuru Meta kutoa nyaraka na mawasiliano yake yanayohusiana kwa namna yoyote na zabuni ya kutaka kuinunua Open AI.  

"Mawasiliano ya Meta na wazabuni wengine, au mawasiliano ya ndani, ikiwa ni pamoja na yale yanayoakisi majadiliano na Musk au wazabuni wengine, pia yatatoa mwanga juu ya lengo halisi la zabuni," OpenAI ilisema, ikiita Musk na Meta kuwa washindani wake wawili muhimu.

Meta, katika shauri hilo hilo la mahakama, ilisema OpenAI inapaswa kutafuta hati au nyaraka zozote muhimu moja kwa moja kutoka kwa Musk na  kampuni ya yake ya AI inayochipukia (Start-up ) ikimaanisha xAI na ilimtaka jaji kukataa ombi la OpenAI. Kesi hiyo imeahirishwa hadi baadaye 2026 itakapo tajwa tena. 

Ikumbukwe kua Elon Musk aliwahi kua miongoni mwa wafadhili waanzilishi wa Open AI mwaka 2015 lakini alichana nayo muda mfupi baadaye kwa madai ya kushindwa kuafikiana na uongozi na mwenendo wa kampuni. Madai ambayo Open AI inapinga inasema Elon Musk alitaka kuifanya Open AI kua ya kibiashara kinyume na msingi wa uanzishwaji wake. Open AI wanadai Musk alitaka kuifungamanisha na kampuni ya yake ya Tesla. Walipokataa akaamua kujitoa na mwaka 2020 akaanzisha kampuni yake ya xAI ili kushindana na Open AI. Lakini kwa sasa natafuta kumiliki teknolojia ya Aikili Unde na hivyo anapambana kuiangusha Open AI kwa njia yoyote ile kitubambacho Sam Altiman anadhani hilo haliwezekani kutokea. 

Ila Meta na xAI wote wanamuogopa Open AI ukiangalia jinsi ushindani unavyokwenda ni kwamba ChatGPT mwa mfano kwa sasa ni miongoni mwa Chat bot inayotumika sana duniani. Simu na kompyuta baadhi zinakuja zikiwa na ChatGPT ndani kwa hio inapata watumiaji wengi na kwa kasi sana. Hii ndio sababu Meta imelazimisha Meta AI katika programu zake tumizi hasa WhatsApp. Vita za makampuni makubwa hasara kwa watumiaji tuendelee kua makini sana. 

Imeandikwa na kuhaririwa na 

Erick Jerry 

karlrck@gmail.com


Comments

Post a Comment

Popular posts from this blog

HII NDIO HATARI KAMILI KATIKA VITA HUKO UKRAINE. VITA YA TATU YA DUNIA AU VITA VYA NYUKLIA

-
Image
Picha ya pamoja ya viongozi wa Ulaya na Rais wa Marekani ikulu ya Marekani tarehe 18 Agosti 2025. Picha na AFP  February 2022 Urusi iliivamia Ukraine kijeshi katika kile ambacho Moscow walikiita kama Operesheni Maalumu  (Special Operation). Na tangu wakati huo vita hio imeendelea na dalili za kukoma kwake bado zinaonekana ziko mbali kulingana na matokeo ya jitihada mbalimbali za kukomesha vita hivyo. Lakini kwa sasa vita vimeingia katika hatua muhimu na huenda ni hatua mbaya sana ambayo kosa kidogo la kimahesabu limaweza kuigharimu dunia kama ilivyokua Julai 1918 au Septemba 1939 ambapo vita vya kwanza na pili vilianza mtawalia. Kwa sasa vita vya Ukraine vina sura ya tofauti ambayo inahatarisha usalama wa dunia. Na haya ndio mambo ya hatari zaidi ambayo yanaweza kushindwa kuzuilika na kuleta vita ya tatu ya dunia.
Read more

TOP 10 YA SIMU ZENYE KAMERA BORA ZAIDI DUNIANI MPAKA SASA

-
Image
Picha za smartphone mbalimbali Miongoni mwa masoko magumu kwa sasa ni pamoja na soko la simu janja au rununu (smartphones) ambapo kila kampuni ya utengenezaji wa siku inajitajidi kutoa simu zenye ubora wa hali ya juu. Lakini sio rahisi kama unavofikiria ikiwa utaulizwa ipi ni simu bora kwa sasa sokoni. Kwa sababu simu moja kutoka kampuni flani inaweza kua bora kwenye eneo moja au mawili hivi lakini ikashindwa kua bora katika maeneo mengine. Lakini kati ya vitu virahisi na hua ni kigezo cha watu kununua simu hua ni kamera. Hii hapa ni orodha ya simu 10 zenye kamera bora sana mpaka sasa. 
Read more

AFRIKA NI KUBWA KIASI GANI? KWANINI SASA WAAFRIKA WANADAI RAMANI HALISI?

-
Image
AFRIKA NI KUBWA KIASI GANI? HATIMAYE AFRIKA IMEANZA KUZINDUKA. Ramani ya dunia  Tulipokua shuleni tulijifunza mengi juu ya Afrika lakini mengi ilikua ni upotoshaji wa kukusudia au kutokukusudia. Hilo linajidhihirisha pale unapotazama ramani ya dunia. Utaambiwa Afrika ni bara la pili kwa ukubwa duniani nyuma ya Asia lakini ukitazama ramani utagundua Amerika ya Kaskazini inaonekana kuwa ni kubwa kuliko Afrika. Lakini je Afrika ina ukubwa gani? Na kwanini sasa Umoja wa Afrika unahitaji taasisi kuu ulimwenguni kote kutumia ramani mpya ya Afrika kulikoni?  Tunarejea takribani miaka 456 hivi nyuma kuanzia sasa. Tunakutana na mwaka 1569, na hapo tunakuja kukutana na mtu mmoja aliyepata kua ni mwanajiografia na mchora ramani kutoka Flanders (Kijiografia eneo hili liko Ubelgiji na kijamii na kiutamaduni limekaliwa na watu asili ya Wadachi). Mtu huyu alitwa Gerardus Mercator ambaye ndiye aliyechora ramani hii ya dunia ambayo katika karne ya 18 ilirasmishwa kutumika katika maswala ya usa...
Read more